Ақпараттар ағыны

● Еуразиялық даму банкі Қазақстан экономикасына 1 млрд. доллардан астам инвестиция құймақшы. Ал бұл қаржының басым бөлігі Ақтөбе мен Маңғыстау облыстарын газдандыру және жаңғырту бағдарламасын қаржыландыруға жұмсалмақ. Ол үшін аталған инвестициядан 128,2 млн. доллар аударылады. Сонымен қатар, 236 жұмыс орны ашылады. ● Астанада «Бола­шақ» ха­­лық­аралық стипен­дия­сының Тіл мектебі ашылды. Мұн­да «Мемлекеттік қыз­мет­­ші­лер», «Ғылыми-педагог қыз­мет­­керлер», «Мәдениет қызмет­керлері», «БАҚ редак­циясының қыз­­мет­керлері» және «ЖОО түлек­­тері» санаттары бойынша оқуға түскен алғашқы 60 сти­пен­­диант білім алады. Айта ке­тейік, аталған мектепте шәкірт­тер ағылшын тілін оқытудың «6+6»жаңа пішіні бойынша дәріс алады. ● Қарағандыда «Сала­матты Қазақстан» медици­налық пойызы тегін қызмет көрсетуді бас­тады. Дәрігерлер шоғырланған пойыз облыстағы шағын стансалар мен оларға жақын маңдағы ауылдарға барып, тұрғындардың ден­сау­лығын тексереді. Сапар барысында медицина мамандары Қарағандының 19 стансасын аралайтын болады. ● Қостанай облысында ауыл тұрғындары өз күш­­тері­мен кино түсірді. Шалғай­дағы Көлқамыс елді меке­нінде түсірілген кинотуынды «Кәу­сарым» деп аталады. Онда компьютер мен ұялы телефонның, әлеу­меттік желінің тұтқынына айналған жасөспірімнің ауылға келіп, қатарластарымен араласып, ойынның қызығына бат­қан шағы суреттеледі. Қыс­қа­­метражды фильм 37 минутты құрайды. ● «Аналар үйі» респуб­ли­калық қоғамдық жобасының Павлодар филиалында тігін цехы ашылды. Мұндағы қыз-келіншектер «Аналар үйінің» құрылтайшысы болып табылатын ірі құрылыс компаниясына арнайы киім тігеді. Айта кетейік, аталған орталыққа өмірде қиын жағдайға тап болған аналар келіп, көмек сұрайды. Ал филиал қыз­меткерлері оларды уақытша бас­панамен қамтып, жұмыс береді. ● Ақмола облысындағы Андықожа батыр ауылында балабақша ашылды. Бұл «Ба­лапан» бағдарламасы аясын­да жүзеге асты. Мектепке дейін­гі білім ұясы 50 орынға лайық­талған. Мемлекеттік «Бал­дәурен» балабақша құры­лысы үшін аудандық бюджеттен 4 миллион теңге бөлінген. Хабарлар Үкімет, облыстық әкімдіктер сайттары, «ҚазАқпарат» агенттігі және «24kz» телеарнасының деректері бойынша дайындалды.