Кеше Үкімет үйінде Қазақстан Республикасы Премьер-Министрінің бірінші орынбасары Бақытжан Сағынтаев бейнеконференция пішімінде Ресей Федерациясы Үкіметі төрағасының бірінші орынбасары Игорь Шуваловпен келіссөз жүргізді, деп хабарлады Премьер-Министрдің баспасөз қызметі.
Тараптар Қазақстан мен Ресей арасындағы сауда-экономикалық қарым-қатынастар жағдайын, өнеркәсіп, ауыл шаруашылығы, көлік транзиті және ақпараттық-коммуникациялық салалардағы ынтымақтастық жағдайларын талқылады.
Келіссөз барысында, сондай-ақ, мұнай мен газды тасымалдау, электр қуатын өзара жеткізіп беру, монополияға қарсы реттеу мәселелері де талқыланды.
Оның сыртында Бақытжан Сағынтаев пен Игорь Шувалов Еуразиялық экономикалық одақ шеңберіндегі көкейкесті мәселелерді де қарастырды.