мысық ғаламтор жұлдызына айналып тұр
Британиядан кезіккен аспан түстес көкпеңбек тұнық көзі бар Коби деген мысық екі күннен бері күллі әлемнің әлеуметтік желілерінің нағыз жұлдызына айнала бастады.
Алғаш рет суреті «Фейсбукте» жарық көрген жануар туралы постыны қазірге дейін 6,5 мың адам оқып үлгерсе, «Инстаграмдағы» рәсімін 311 мың оқырман қарап шығыпты.
Қазір ағылшын журналистері Кобидің көзін америкалық атақты әнші Фрэнк Синатраға ұқсатып жатыр. Ал 1915-1998 жылдары өмір сүрген бұл актер әрі шоуменнің көзі тірісінде 9 рет «Грэммиді» жеңіп алғаны белгілі.
«Мысықтың адамға қарауы да сол атақты адамның стиліне қатты ұқсайды», – деседі деп жазады Huffington Post газеті осыған орай.
Дамир ҚОЖАМҚҰЛ.