«Тамаша адамдар өмірі» сериясымен шыққан «Нұрсұлтан Назарбаев». Өмірбаян жалғасуда» өмірбаяндық басылымы Ресейдің «2015 жылғы ең үздік кітаптар мен басылымдар» Ұлттық сыйлығына ие болды.
Өмірбаяндық еңбектің авторлары – Еуразиялық экономикалық комиссияның энергетика және инфрақұрылым жөніндегі алқасының мүшесі, саяси ғылымдар докторы Тайыр Мансұров пен Қазақстан Жазушылар одағы басқармасының хатшысы, «Простор» әдеби журналының бас редакторы Валерий Михайлов.
Кітап былтырғы жылдың қараша айында жарық көріп, оның тұсаукесері Қазақстанның Мәскеудегі елшілігінде 2016 жылдың қаңтар айында өткен болатын.
Мұндай кітаптарға берілетін сыйлық Орыс биография институты, «Литературная газета», Ресей мемлекеттік кітапханасы мен «Орден» Мәдени-ағарту орталығы тарапынан 2000 жылы тағайындалған болатын.
«Егемен-ақпарат».