ҚАРАҒАНДЫ. 28 наурыз. Қарағандыда жаңадан сайланған депутаттардың қатысуымен облыстық мәслихаттың VI шақырылымының бірінші сессиясы өтті. Бұл туралы egemen.kz тілшісі хабарлады.
Сессияда облыстық мәслихаттың жаңа хатшысы болып Рысқали Әбдікеров сайланды. Оның кандидатурасын депутаттар бірауыздан қолдады. Сонымен қатар, алғашқы сессияда тұрақты комиссиялар құрамы мен олардың төрағалары бекітілді.
Сессия жұмысына облыс әкімі Нұрмұхаммед Әбдібеков қатысып, жаңадан сайланған депутаттар құрамына зор табыс, жемісті еңбек тіледі. Облыстық мәслихаттың құрамында 42 депутат бар, олардың 41-і «Нұр Отан» партиясының өкілдері. Ал бір депутат «Ауыл» партиясының мүшесі.
Рысқали Әбдікеров 2011 жылдың қараша айынан бастап Шет ауданының әкімі қызметін атқарды. Осыған дейін Ақтоғай, Ұлытау, Осакаровка аудандарының әкімі, Қарағанды қаласы әкімінің орынбасары, Қарағанды облысы әкімінің орынбасары болған.
Қайрат Әбілдинов.
Дерек, фото: egemen.kz.