Бейжіңнен некесін қидыруға келді

[caption id="attachment_39985" align="alignnone" width="560"] Сурет: today.kz[/caption] Қытайдың Бейжің қаласынан Астанаға екі жас арнайы некесін қидыруға келді. Екеуі де қаракөз қандастарымыз. Үйленіп жатқан жігіт Бейжің қаласындағы Ұлт­тар радиосының «Қазақ радиосы» бөлімінде ұзақ жылдар бойы аға диктор болып қызмет етіп келе жатқан әріптесіміз Қызырбек Жанасылдың баласы екен. Әкесі баласының некесі ту­ған елінің астанасында қиыл­ғанын қалапты. Неке қию ке­зінде бар­лық әдет-ғұрыптар жа­салып, «Әзірет Сұлтан» мешітінің имамы Құзар Қы­зыр­бекұлы мен Алтынай Сә­битжанқызына батасын беріп, шаңырақтарының биік болуын тіледі. Екі жастың шаңырақ көтеруіне мешітке бес уақыт намазын оқуға, Құран оқытуға келген жүздеген адамдар куә болды. – Біз Бейжіңнен Астанаға некемізді қидыруға арнайы келдік. Туған еліміз, ата­ме­кеніміз болған соң өмірдегі ең жауапты да қуанышты күнімізді Астанада өткізгіміз келді. Бізге мешіт керемет әсер етті. Бұл жерде мешіт имам­дарының уағыздарын тың­дадық, – деді жастар. Дастан КЕНЖАЛИН, «Егемен Қазақстан»