АСТАНА. 14 мамыр. Түркияда «Күрдістан жұмысшылар партиясының» мүшелеріне қарсы жасалған арнайы операция кезінде 23 адам қаза тапты. Бұл туралы 24.kz-ке сілтеме жасаған egemen.kz тілшісі хабарлады.
Сонымен қатар, үкімет жасағынан 8 мерт болды. Олардың алтауы Хаккяри провинциясында, екеуі қақтығыс болып жатқан жердегі тікұшақ апатының салдарынан опат болды. Ал аталған топтың 15 мүшесінің көзі жойылды.
Айта кетейік, «Күрдістан жұмысшылар партиясы» өткен жылы экстремистік ұйым деп танылып, қызметіне тыйым салынған. Осы уақыт аралығындағы қақтығыстарда 5 мыңнан астам лаңкестің көзі жойылса, үкімет әскерінің 450 қызметкері мерт болды.
Аян Әбдуәли.
Дерек, фото: 24.kz.