Ол әр жыл сайын бір тілді үйреніп жүр. Ендігі мақсаты – араб тілі. Айшаның анасы Мәдина Даниярқызы қызына 8 айлығынан бастап шет тілін үйреткен. Оның айтуынша, бес жасқа дейін баланың санасында шет тілі деген ұғым болмайды.
Робот күзетші
Қытайдың шығысындағы Вэньчжоу қаласының көшелерін роботтар күзетеді.
Жасанды интеллект негізінде жұмыс істейтін технология адамдардың жеке тұлғасын, сондай-ақ күдіктінің мінез-құлқын анықтай алады. Қажет болған жағдайда көз жасаурататын газ шашып, дабыл арқылы әсер етеді. Осыдан кейін бірден полицейлерге қауіпті жағдай туралы хабарлама келіп түседі. Құрылғының салмағы – 125 кг. Сағатына 35 шақырымға дейін қозғала алады. Роботтың пішіні сфера тәрізді. Соның арқасында полицейлер жете алмайтын жерлерді тексеруге қауқарлы, тіпті суда да қозғала алады.
Әжесін түрмеге тоғытты
АҚШ-тың Мичиган штаты Ньюберри қаласында гүл сатушы қыз Дженна Герватовски қызық үшін құрбысымен бірге ДНҚ тестін тапсырған.
Бірнеше күн өткен соң оны ойда жоқта полиция бөлімшесіне шақыртады. Сөйтсе, Дженнаның ДНҚ-сы 1997 жылғы қылмыс орнындағы айғақтармен сәйкес келеді екен. Тергеу кезінде қыздың әжесі 27 жыл бойы іздеуде жүргені анықталды. Ол ауыр қылмысқа, яғни адам өлтіруге қатысы бар деген күдікке ілінген. Енді оның әжесіне өмір бойы бас бостандығынан айыру жазасы тағайындалуы мүмкін.
