Қарағанды-Астана жолы қайта жаңарады
<p style="text-align: justify;">Еліміздің көлік инфрақұрылымын және өңірлердің арасындағы байланысты дамыту мақсатында республикалық маңызы бар Қарағанды-Жезқазған автомобиль жолының 572 шақырымын ІІ техникалық санатта, екі жолақты етіп, жол жабынын жақсартып, заманауи қауіпсіздік талаптарына сай етіп салу жоспарланып отыр. Бұл туралы ҚазАвтоЖол мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Қазіргі таңда қаржыландыру көзін анықтау бойынша жұмыстар атқарылып жатыр. Жоба кешенді түрде жүзеге асады: жобалау, құрылыс және қолданысқа беру. Қаражат көзі бекітілгеннен кейін дайындық жұмыстары 2025 жылдың ІІІ-ІV тоқсанына жоспарланған.
Бұл жоба Орталық Қазақстанға ғана емес, еліміздің жол саласы үшін үлкен маңызға ие болмақ. Ол аймақтар арасындағы көлік қатынасын нығайтып, өңірлердің әлеуметтік-экономикалық дамуына септігін тигізеді.
Сондай-ақ, республиканың оңтүстік өңірлерімен көлік дәлізін дамыту аясында ұзындығы 426 шақырымды құрайтын Қызылорда-Жезқазған автожолын қайта жаңарту жұмыстары жүзеге асырылып жатыр. Бұл жол Қызылорда және Ұлытау облыстарын қосады. Қызылорда облысы бойынша 150 шақырымнан астам жолда жұмыстар атқарылды, ал Ұлытау облысы жол-құрылыс жұмыстары қарқынды жүргізілуде. Қарағанды мен Жезқазған арқылы салынатын жол Астанадан Қызылордаға дейін еліміздің транзиттік әлеуетін арттырып, өңірлердің дамуына және Қазақстанның жол саласын жаңғыртуға үлкен серпін береді.
Қарағанды облысы