Сурет ашық дереккөзден алынды
Ғалымның табанды ізденісі нәтижесінде ғылымға полоний мен радий секілді жаңа элементтер белгілі болды. Мария Кюридің есімі мұнымен ғана шектелмейді. Ол кейін 1911 жылы химия саласы бойынша тағы бір Нобель сыйлығын алып, екі түрлі ғылым бағытында марапатқа ие болған әлемдегі алғашқы адам ретінде тарихқа енді. Оның «Менің ғылымнан өзге ең ұлы міндетім – ұрпақ тәрбиелеу. Сыйлық – мені жігерлендіруге берілген ойыншық қана» деген сөзі таза болмысын, атақтан бұрын адами жауапкершілікті жоғары қойғанын аңғартады.
