Құрлықтың клубтық чемпионаты

Еуропаның бірнеше елі өздерінің жаңа клубтық чемпионатын ұйымдастыру жөнінде шешім жасасты. Жаңа чемпионат ұйымдастыру жөніндегі жұмысқа Бельгия, Голландия, Шве­ция, Шотландия және Норвегия елдері кірі­сіп кетті.

Жаңа лига УЕФА-дан бөлек әрекет ететін болады. Бұған қосылатын клубтардың ешқайсысы өз елдерінің біріншіліктеріне қатыспайды. Әзірге жаңа доп додасына «Андерлехт», «Селтик», «Аякс», ПСВ, «Русенборг», «Мальме» және «Брюг­ге» секілді командалардың қатысатыны бел­гілі болып отыр.

Сол сияқты бұл командалар осы чемпионаттан табылар болса, УЕФА шеңберінде өтетін турнирлерге қатыса алмайды.

«Егемен-ақпарат»