Қазақстандық шеберлер көрмесі
<p style="text-align: justify;"><strong>Қазақстан халқының бірлігі күніне орай Президенттік мәдениет орталығында «Шеберлер ауылы» бірлестігінің ұйымдас­тыруы­мен қолөнер шеберлерінің көрмесі өтті. Әр ұлт мәдениетін тоғыстырған көрме халық биі «Қара жорғамен» ашылды.</strong></p>
Көрмеге Қазақстанның әр облысынан келген 30-дан аса шеберлер қатысты десек, Амангелді Мұқажанов, Серікқали Көкенов, Кәлімхан Рахметбайқызы, Лилия Ким, Мирлан Мамбетақұнов және басқа да шебелердің киізден жасалған киімдері, ағаштан ойылған ыдыс-аяқтар, табиғи тастардан жасалған моншақтар мен түрлі әшекей бұйымдары көпшілік көңілінен шықты.
Көрменің мақсаты – қолөнер шеберлерін қолдау, оларды бір-бірінен үлгі алып, тәжірибе алмастырту, сонымен қатар, халық мұрасын ұлықтап, қайталанбас мәдениетті дәріптеу.
Сол секілді, біздің тағы бір көздегеніміз, өз бұйымдарымызды жаңа заман талаптарына сай етіп тұтынушыларға ұсыну десек, біздің бұйымдарымыздың денсаулыққа залалы жоқ таза өнім екенін, бағасының да аса қымбат еместігін айта кеткен абзал – дейді «Шеберлер ауылы» бірлестігінің директоры Нұрлан Айтбай.
Майгүл СҰЛТАН,
Л.Н.Гумилев атындағы ЕҰУ Журналистика және саясаттану факультетінің 4-курс студенті.