Сенаторлар Ертіс ауданында болды
<p style="text-align: justify;">Парламент Сенатының депутаттары Манап Көбенов пен Нұржан Нұрсипатов Павлодар облысының Ертіс ауданында болды. Олар Северный кентіндегі мәдениет үйінде жұртшылық өкілдерімен, орта мектеп пен дәрігерлік бекет ұжымымен кездесті. Бұл туралы Парламент Сенатының баспасөз қызметі хабарлады.</p>
Сенаторлар кездесу барысында Мемлекет басшысының «Нұр Отан» партиясының XVIII съезінде алға қойған міндеттері, оның ішінде балаларға берілетін жеңілдіктерді көтеру, көпбалалы отбасылардың жағдайын жақсарту, тұрғын үймен қамтамасыз ету, әлеуметтік инфрақұрылымды жаңғырту мәселелері туралы әңгімеледі.
Тұрғындар Ертіс стансасы арқылы кедендік өтуді қалпына келтіру, сумен қамтамасыз ету тарифін реттеу және басқа да өзекті мәселелерді көтерді. Депутаттар сондай-ақ шекара күзетінің қызметкерлерімен де кездесті.