Түркістан облысы әкімінің орынбасары тағайындалды
<p style="text-align:justify">Қазақстан Республикасы Президенті Әкімшілігінің келісімімен және Түркістан облысының әкімі Ө.Шөкеевтің өкімімен Түркістан облысы әкімінің орынбасары болып Мырзалиев Мейіржан Иябайұлы тағайындалды. Бұл туралы Түркістан облысы әкімдігінің баспасөз қызметі хабарлады.</p>
Мейіржан Иябайұлы 1980 жылы туылған. Қазақ Мемлекеттік Заң Университетінде 1998-2002 жылдар аралығында заңгер мамандығы бойынша, сондай-ақ, 2005-2006 жылдар аралығында Ломоносов атындағы Мәскеу Мемлекеттік Университетінде экономист мамандығы бойынша, 2010-2011 жылдары Президент жанындағы Мемлекеттік басқару Академиясында білім алған. Сондай-ақ Дьюк Университетінде 2014-2016 жылдары халықаралық саясат факультетінің магистратурасын тәмамдаған.
2003-2005 жылдары Құрылыс басқармасының бас маманы;
2005-2007 жылдары Заң және әкімшілік бөлімінің бастығы;
2008-2009 жылдары Индустриалдық-инновациялық даму бөлімінің бас сарапшысы;
2009-2011 жылдары Бизнес-орта және инновация секторының меңгерушісі;
2011-2013 жылдары Мемлекеттік реттеу секторының меңгерушісі;
2016 жылы Премьер-Министрдің бірінші орынбасарының кеңесшісі;
2017 жылы Премьер-Министрдің кеңесшісі;
2017 жылдың қаңтар айынан бастап облыс әкімінің орынбасары қызметін атқарып келген.
Қазақ, орыс, ағылшын тілдерінде еркін сөйлейді.