Нұрсұлтан Назарбаев «Қазақстан» ұлттық павильонына барды
<p style="text-align: justify;">Елбасы Ресей Президенті Владимир Путинмен қалпына келтірілген «Қазақстан» ұлттық павильонын аралап көрді.Бұл туралы Elbasy.kz хабарлады.</p>
Павильонға кіре берісте келген қонақтарға арнайы «Астана опера» Мемлекеттік опера және балет театрының хоры мен балет труппасының орындауында «Ел Салтанаты» вокалды-хореографиялық композициясының көрсетілімі ұйымдастырылды.
Сонымен қатар, павильон қонақтары табиғи және экологиялық таза өнімдер мен ұлттық тағамдар ұсынылған қазақстандық ауылшаруашылық өнімдерінің көрме-жәрмеңкесін қарап шықты.
Бірегей көрме кешенінің экспозициясымен танысу барысында Нұрсұлтан Назарбаев пен Владимир Путин павильонның «Құрметті қонақтар кітабына» жазба қалдырды.
Сонымен қатар, Қазақстанның Тұңғыш Президенті мен Ресей Президенті Қазақстанның тарихи-мәдени мұрасына арналған ҚР Ұлттық музейінің көрмесін тамашалады. Көрмеге б.э. дейінгі VIII – VI ғасырларға жататын 30-дан астам бірегей экспозия қойылған.