«Қашқын» телехикаясы: адам мен қоғам апогейі
<p class="2018-" style="text-align: justify;">«Qazaqstan» Ұлттық телеар­насы түсірген детектив жанрын­­дағы алғашқы телехикая кө­рерменге жол тартты. Жұ­мыс күндері «Қашқын» атауы­мен эфирге шығатын туынды қоғамның өзекті мәселесіне ай­налып отырған жемқорлық, теріс діни ағымдардың әсері, дәс­түрдің құнсыздануы, отбасы құн­дылықтары сияқты сан түрлі тақырыптарды арқау етеді.</p>
Сонымен қатар телехикая бүгінгі замандағы құқық қорғау өкілдерінің аса қауіпті қылмыскерлердің жолын кесудегі кәсіби жұмысы мен қоғам алдындағы ауыр міндетін ашып көрсетеді.
«Жемқорлық пен ашкөздік жайлаған қоғамда сенім, бірлік, бауырмалдық жоғалады. Жаңа туынды биік адамгершілік қасиет пен адал еңбек жолы ғана қоғамды жақсылыққа жетелейтінін, адами өркениеттің негізі таза жолмен қызмет ету екенін ашып көрсетуді мақсат тұтады. Телехикая оңай жерден олжа іздеген жанның қайшылыққа толы, жағымсыз өмірін бейнелеу арқылы өзгелерге ой салуды көздейді. Туындының негізгі идеясы – айналасына зиянын тигізетін адамның өмірі тығырыққа тірелетінін, заң әділдігінің қай кезде де үстемдік құратынын көрсету», дейді «Қазақстан» ҰТА Эфирлік саясат дирекциясының директоры Бағжан Бимұратова.
Басты рөлдерді Қазақстанның халық әртісі Тілектес Мейрамов, Қазақстанның еңбек сіңірген қайраткері Бауыржан Қаптағай сынды елімізге белгілі танымал актерлар сомдайды. Телехикая «Qazaqstan» Ұлттық телеарнасынан аптаның жұмыс күндері 21:30-да көрсетіледі.
«Егемен-ақпарат»