Қарағандыда еліміздің бас ветеринары кеңейтілген кеңес өткізді
<p style="text-align: justify;">Кеншілер астанасында Ауыл шаруашылығы министрлігінің Ветеринарлық бақылау және қадағалау комитетінің төрағасы Арман Өтеғұлов өңірдегі ветеринарлық бақылау, ветеринарлық-санитарлық және тағам қауіпсіздігі мәселелері бойынша кеңейтілген кеңес өткізді.</p>
Жиын барысында облыстық ветеринария басқармасының басшысы Қайырбек Тұрсынбеков атқарылған жұмыстар туралы баяндады.
– Биыл мал ауруларының 13 түрін алдын алу және 30 түрін диагностикадан өткізу бойынша амал-шарғылар жасалды. Облыстық бюджеттен жануарлар ауруларының алдын алу үшін ірі қара малдың тейлериозына қарсы 15 мың дәрі дозасы, сондай-ақ жылқы үшін 111 мың дәрі дозасы сатып алынды, – деп мәлімдеді облыстың бас ветеринары.
Биыл Қарағанды облысына шет мемлекттерден, атап айтқанда Чехиядан (722), Беларусьтан (45) және Ресейден (2162) 2929 бас ірі қара мал әкелінді. Сондай-ақ Ресей (155200) мен Венгриядан (51597) 206797 тәуліктік балапандар жеткізілген.
Кеңес соңында Ветеринарлық бақылау және қадағалау комитетінің төрағасы Арман Өтеғұлов ветеринарлық және азық-түлік қауіпсіздігін күшейтуге қатысты нақты тапсырмалар берді.
Еске салсақ, Қарағанды облысында барлығы 840 ветеринар маман жұмыс істейді.