Демаркациялық комиссия мүшелері кездесті

<p style="text-align: justify;">3-7  желтоқсан күндері Алматы қаласында  Қазақстан Республикасы мен Өзбекстан Республикасы бірлескен демаркациялық комиссиясының кезекті бас қосуы өтті.</p>

Комиссия Өзбекстан Республикасының Навои облысына іргелес жатқан Қазақстан Республикасының Қызылорда облысы шегіндегі учаскеде мемлекеттік шекараны белгілеу жөніндегі қорытынды құжаттардың жобаларын дайындады.

Делегация мүшелері Қазақстан-Өзбекстан мемлекеттік шекарасында далалық демаркациялық жұмыстардың көлемін, 2020 жылы атқарылар жұмыс жоспарын талқылады.

Тараптар бірлескен демаркациялық қазақ-өзбек комиссиясының 2019 жылы атқарған жұмыстарын қорытындылады.

Келіссөздер дәстүрлі достық және сындарлы жағдайда өтті.

АЛМАТЫ