Назар аударатын мәселелер бар
<p style="text-align: justify;"><strong>Елбасы Нұрсұлтан Назарбаев «ҚазМұнайГаз» ҰК» АҚ басқарма төрағасы Сауат Мыңбаевты қабылдады.</strong> </p>
С.Мыңбаев ұлттық компанияның бірінші жартыжылдықтағы қызметінің қорытындысы туралы хабардар етті және таяу келешектегі жоспарлар туралы айтып берді.
Нұрсұлтан Назарбаев «ҚазМұнайГаз» ҰК» АҚ отандық ірі компаниялардың бірі болып табылатынын, еліміздің экономикасының дамуы көп жағдайда оның қызметіне байланысты екенін атап өтті, сондай-ақ технологиялық күрделі жобаларды іске асыру үшін өзіміздің жоғары білікті кадрларымызды даярлау қажеттігіне назар аударды.
Кездесу қорытындысында Мемлекет басшысы қаралған мәселелер бойынша бірқатар нақты тапсырмалар берді, деп хабарлады Президенттің баспасөз қызметі .