Шетелдік көлікті тіркеу керек
<p style="text-align: justify;">Соңғы кезде Армения, Қырғызстан, Беларусь, Ресейде тіркеуде тұрғанымен елімізде жүрген көліктерге қатысты келеңсіз жағдайлар жиілеп кетті. Көліктерді тіркетуге себеп көп.</p>
Атап айтар болсақ, шетелдің нөмерімен жүрген көліктер туралы ақпарат алу қиын. Бұл Ішкі істер министрлігінің жұмысын қиындатады. Министрлік ақпарат аздығынан қажет жағдайда жылдам әрі тиісті шаралар қолдана алмайды. Сонымен бірге жол ережесіне қатысты заң бұзушылық 2019 жылы 3,5 есеге өсіп отыр. Яғни, шетелдік көліктердің заң бұзу фактілері былтыр 27 мыңнан 90 мыңға жеткен. Оған қоса барлық заң бұзушылықтың 12 пайызын құрайды. Бұл көліктерді тіркеуден өткізуге тағы бір себеп.
Мемлекет басшысы Үкіметтің кеңейтілген отырысында еліміздегі шетелден әкелінген көліктерді тіркеуге уақыт берілетінін хабарлады. Бұл жүргізушілерге жасалған жақсы мүмкіндік. 1 жыл қажет төлемдерін төлеп, тіркеуден өткізуге жетуі керек. Ал бұған дейінгі ереже бойынша көлікті 10 күн ішінде тіркеуі керек еді. Алайда көріп отырғанымыздай, көлік иелері салғырттық танытқан. Оған мемлекет территориясына кірген 200 мыңға жуық көліктің 40 мыңы ғана тіркеуден өткені дәлел. Сонымен бірге Президент тиісті атқарушы органдарға шетелден көлік әкелу ретін жүйелендіруді тапсырды.
Бекжан САДЫҚОВ,
Президент жанындағы Қазақстан Стратегиялық зерттеулер институты әлеуметтік-экономикалық зерттеу бөлімінің жетекші ғылыми қызметкері