Кемедегі қазақстандықтар елге қашан келеді?
<p style="text-align: justify;">Қытайдан тарап жатқан атышулы індеттен кейін барлық мемлекеттер шекарасын қымтап, Қытайға барып келген жандарды қайта-қайта тексеріп, әбден әлекке түсуде. Соның ішінде Жапониядағы Diamond Princess круиздік лайнері көрпесін тарс бүркеніп, өз алдына бір шағын мемлекет сияқты оқшауланып, жолаушылары екі аптадан бері құрлыққа шыға алмай отыр.</p>
Бұл алып кеме 20 қаңтар күні Жапонияның Иокогама портынан шығып, 3 ақпан күні тура сол айлаққа қайта оралған еді. Ішінде әлемнің 50 елінен жиналған 3,7 мың жолаушысы бар. Алайда лайнердегі Қытай азаматтарынан коронавирустың белгілері табылып, Иокогама портына зәкірін тастаған кемеден бірде-бір жолаушының сыртқа шығуына рұқсат берілмеді. Кеме жолаушыларының ішінде Қазақстанның төрт азаматы бар. Нақтырақ айтсақ, 8 және 12 жастағы немерелері бар екі әйел адам. Саяхаттап жүрген төрт қазақстандық азаматтың жағдайын Денсаулық сақтау министрі Елжан Біртанов әзірге бірқалыпты деп отыр.
«Жапония денсаулық сақтау министрлігімен тікелей байланыс бар. Қазір оларға инфекция жұқты деген ақпарат жоқ. Кемедегі азаматтармен тікелей байланыстамыз. Олар өздерін жақсы сезінеді. Арасында ауырғандар жоқ. Қазір Сыртқы істер министрлігімен азаматтарымызды елге қайтару жөнінде жұмыстар жүріп жатыр» дейді бұл жөнінде Е. Біртанов.
Иә, лайнердегі қазақстандықтар қашан елге қайтуы мүмкін? Бұл жөнінде Сыртқы істер министрлігінің ресми өкілі Айбек Смадияров былай дейді:
«19 ақпанда лайнерде карантин уақыты аяқталады. Сосын 2 күнге созылатын кемеден шығару процесі жүргізіледі. Себебі кемеде 3 мыңнан астам адам бар. Олардың бәрін бір күнде шығара алмайды. Егер де біздің азаматтардан коронавирус белгілері табылмаса, олар өз жолдарымен елге қайтады. Карантин режімі болғандықтан палубада қозғалыс шектелген. Әркім өз каюталарында отыр. Қажетті медициналық қорғау құралдарымен, тамақпен қамтамасыз етілген. Бізбен байланыста. Ешқандай шағым айтып жатқан жоқ».
«Кемедегенің жаны бір...» демекші, жолаушыларына қызығы мол саяхат сыйлаймыз деген Diamond Princess круиздік лайнеріндегі жағдай осылайша бүкіл елді алаңдатып отыр. Қазақстандағы тиісті министрліктер бұл мәселені басты назарда ұстап, әліптің артын баққаннан басқа амалы болмай тұрғаны анық.
БҰҰ CNN зерттеу орталығы коронавирус індетінің әлем елдеріне таралу картасын жариялады. Соңғы мәліметтерге қарағанда, бұл індеттен әлемде 1 383 а??? ?????? ??????дам қайтыс болған. Осы инфекцияны жұқтырғандардың саны 64 441-ге жетсе, 5 542 адам аталған дерттен жазылыпты. Біз осы картада көрсетілген мемлекеттердің тізімін жариялап отырмыз.