Батыр Жүкембаев IBO рейтингінің үздік ондығына кірді
<p style="text-align: justify;">Халықаралық бокс федерациясы (IBO) барлық салмақ дәрежесіндегі боксшылар рейтингінің жаңартылған нұсқасын жариялады. Бұл туралы Sport.kz хабарлады.</p>
Назарларыңызға Қазақстан боксшыларының орындарын ұсынамыз:
Аса ауыр салмақтағы Иван Дычко 76-шы орыннан 77-ші орынға сырғып, Руслан Мырсатаев 88-ші орынға тұрақтады. IBO Inter-Continental чемпиондық белбеуі Жан Кособуцкийге тиесілі. Бірінші ауыр салмақтағы Әли Балоев 80-ші орыннан 79-шы орынға, Еділ Қожамбердиев 89-шы орынға көтерілді (91-ші орында болған).
Екінші орта салмақтағы боксшы Айдос Ербосынұлы 17-ші орынға табан тіреді, Нұрзат Сабиров 34-ші орыннан 30-шы орынға, Али Ахмедов 32-ші орынға көтерілді. Орта дивизионда Қанат Ислам 14-ші орынды сақтап қалды, Мейірім Нұрсұлтанов 16-шы орынға тұрақтады, Жәнібек Әлімханұлы 28-ші орында. Орта салмақтағы IBO әлем чемпионы Геннадий Головкин болып отыр.
Бірінші орта салмақ дәрежесінде өнер көрсететін Садриддин Ахмедов 30-шы орында (-3), Мадияр Ашкеев - 68-ші орында (-1). Жартылай орта салмақтағы Нұрсұлтан Жаңабаев 29-шы орынға жайғасты, Данияр Елеусінов 39-шы орынға тұрақтады, Бобиржан Моминов 73-ші орыннан 72-ші орынға көтерілді. Бірінші жартылай орта дивизиондағы Батыр Жүкембаев өз орнын 11-ден 10-ға жақсартты, ал Жанқош Тұраров — 47-ші (46-шы орында болды) орынға түсіп қалды.
Жеңіл салмақтағы Виктор Коточигов 37-ші орында (-1), Абылайхан Хусаинов ТОП-100-ден шығып кетті. Екінші жартылай жеңіл санаттағы Станислав Калицкий 66-шы орыннан 64-ші орынға көтерілсе, Сұлтан Зәуірбек төрт орынға жоғарылап, 76-шы орынды иеленді. Жеңіл санаттағы Елшат Нығметолла үш позицияға жоғарылады — 51-ші орын.