Тараздықтар Халық Қаһарманын еске алды
<p style="text-align: justify;"><span class="s16"><span class="bumpedFont15">Бүгін Халық Қаһарманы Ғазиз Байтасов тірі болғанда 49 жасқа толар еді. </span></span><span class="s3"><span class="bumpedFont15">Ол 2011 жылдың 12 қарашасында Тараз қаласында </span></span><span class="s3"><span class="bumpedFont15">орын алған </span></span><span class="s3"><span class="bumpedFont15">террорлық </span></span><span class="s3"><span class="bumpedFont15">әрекет</span></span><span class="s3"><span class="bumpedFont15"> салдарынан қаза тапты. </span></span><span class="s3"><span class="bumpedFont15">Оған сын сәтте көрсеткен ерлігі үшін </span></span><span class="s3"><span class="bumpedFont15">Қ</span></span><span class="s3"><span class="bumpedFont15">азақстан </span></span><span class="s3"><span class="bumpedFont15">Р</span></span><span class="s3"><span class="bumpedFont15">еспубликасының</span></span><span class="s3"><span class="bumpedFont15"> Тұңғыш През</span></span><span class="s3"><span class="bumpedFont15">иденті – </span></span><span class="s3"><span class="bumpedFont15">Елбасы Нұрсұлтан Назарбаевтың Жарлығымен </span></span><span class="s3"><span class="bumpedFont15">Халық Қаһарманы атағы берілген болатын.</span></span></p>
Қаскөйді құрықтау кезінде қаза тапқан азаматтың ерлігі әрдайым ел есінде. Батырдың туған күніне орай бүгін Тараз қаласы полиция басқармасының саптық алаңында еліміздің Мемлекеттік туы көтеріліп, Мемлекеттік Гимні орындалып, еске алу іс-шарасы өтті. Аталған шараға Тараз қаласы полиция басқармасының жеке құрамы мен жас мамандары қатысты. Жиын барысында Тараз қаласы полиция басқармасы бастығының орынбасары С.Сексенбаев баяндама жасап, Ғазиз Байтасовтың ерлігі жөнінде және оқиға орын алған күн турасында әңгімеледі. «Халық Қаһарманы, полиция капитаны Ғазиз Байтасов қауіпсіздікті сақтау ісінде өзінің нағыз отансүйгіштігін дәлелдеген полицей және лаңкес бейбіт адамдарға оқ жаудыра бастағанда, ойланбастан оларды құтқару үшін өзін құрбан еткен азамат. Оның ерлігі мен қызметіне деген адалдығы кейінгі жастарға ұмытылмас өнеге болары анық», деді ол. Сонымен қатар, әріптестері батырды еске алып, бір минуттық үнсіздік жариялады. Жамбыл облыстық полиция департаментінің алдына орнатылған полиция капитаны Ғазиз Байтасовтың бюстіне және қаза тапқан жеріне гүл шоқтары қойылды.
Жамбыл облысы