Коронавирус: Борис Джонсон ауруханадан шықты

<p style="text-align: justify;">Коронавирусқа шалдыққан Ұлыбританияның Премьер-Министрі Борис Джонсон Лондондағы Сент-Томас ауруханасынан шықты деп хабарлайды ВВС.</p>

Даунинг-стриттің хабарлауынша, премьер-министр дәрігерлердің кеңесі бойынша жұмысына әзірге оралмайды.

«Борис Джонсон көрсеткен көмегі үшін Сент-Томас ауруханасының барлық қызметкеріне алғыс айтты» делінген мәлімдемеде.

Еске сала кетейік, Ұлыбритания Премьер-Министрі Борис Джонсон 27 наурызда өзінің коронавирус жұқтырғанын растаған еді. Ол содан бері оқшауланып, мемлекетті үйінен басқара бастаған. 6 сәуірде жағдайы нашарлаған премьер ауруханаға жатқызылды.