Қарағандыда COVID-19 жұқтырудың 11 оқиғасы тіркелді
<p style="text-align: justify;">Бүгін Қарағанды облысында коронавирус инфекциясын жұқтырудың 11 оқиғасы зертханалық сараптама негізінде расталды. Бұл адамдар бұрын COVID-19 жұқтырған науқастарымен байланыста болған екен. Ал олардың ішіндегі бір азамат пульмонологиялық госпитальдің пациенті болып шықты.</p>
Қазіргі уақытта бұл науқастар арнайы бокстарға оқшауланып, емдеу курсынан өтуде.
Бүгінде Қарағанды облысында коронавирус инфекциясын жұқтырғандардың саны 76-ға жетті. Бір адам осы індеттен қайтыс болды және бір науқас ауруханадан жазылып шықты.
Облыс бойынша үй карантинінде 1 640 адам бар. Тәулік бойы бақылауға 543 тұрғын алынған. Бұлар 1А және 1Б санатындағы елдерден қайтып келген немесе жұқтырған адамдармен шартты түрде байланыста болған азаматтар.
Қарағанды облысы