Осы күнге дейін Алматыда 505 адамға Covid-19 диагнозы қойылды

<p style="text-align: justify;"><span class="_3FXB1 selectable-text invisible-space copyable-text" dir="ltr">Осы күнге дейін Алматыда COVID-2019 диагнозы расталған 505 жағдай анықталды.</span></p>

1985 жылы туған пациент вирусы бұрын анықталған науқастармен байланыста болған. 4 сәуірден бастап карантинде болған. Келіп түскен күні және 10 сәуірде COVID-19 вирусына жасалынған екі рет талдау теріс нәтиже көрсеткен болатын. 17 сәуірде соңғы рет алынған талдау оң нәтиже берді.

«Бүгін Алматыда коронавирустық инфекциядан сауыққан тағы 4 пациент емдеуден шығарылды», - деді Алматы қаласы Қоғамдық денсаулық басқармасының басшысы Тілеухан Әбілдаев.

Екі әйел мен екі ер адам, олардың барлығы вирусы бұрын анықталған науқастармен байланыста болғандар.

Қазір олардың барлығы 14 күндік үй карантиніне шығарылған.

Жалпы алғанда, Алматыда Covid-19-дан сауығып шыққандар саны 84 адамды құрайды. Қазіргі уақытта жұқпалы аурулар стационарларында Cоvid-19-дан Алматы облысынан пациентті есепке ала отырып, 419 пациент ем алып жатыр.