Жас отбасыларға үлкен демеу

<p style="text-align: justify;">Екі баланың тәрбиесімен үйде отырған жас анамын. Күйеуім осы кезге дейін өзін өзі жұмыспен қамтып, отбасын асырап келген еді. Төтенше жағдайға байланысты қалада карантин жарияланып, күйеуімнің жұмысы тоқтап қалды.</p>

Өзім «Атамекен» палатасының «Бизнес-Бастау» бағдарламасымен оқып, енді кәсібімді бастаған болатынмын. Ол да уақытша тоқтады. Мемлекеттен берілетін 42 500 теңге көмек отбасымызға тағайындалғанын естігенде қуандық. Телефоныма хабарлама келген соң, үш күннің ішінде ақша түсті.

Бұл қаражат біз секілді жас отбасына үлкен қолдау болды. Қиын кезеңде қолұшын берген мемлекетке шексіз ризашылығымызды білдіреміз.

Гүлжаухар ЖАҢАБАЙ,

Шымкент қаласының тұрғыны