Қызылорда: Тұрғындарды онлайн режімде қабылдады
<p style="text-align: justify;">Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Қызылорда облысы бойынша департаментінің «Antikor ortalygy» сервистік орталығында агенттік төрағасының бірінші орынбасары Олжас Бектенов департаменттің Facebook әлеуметтік желісіндегі ресми парақшасында облыс тұрғындарын онлайн режімде қабылдады.</p>
Antikor.Live жобасы аясында өткен қабылдауда азаматтардан Елбасы мен Мемлекет басшысының сыбайлас жемқорлыққа қарсы іс-қимыл бағытындағы тапсырмаларының орындалу барысы, аймақ экологиясы, ауылшаруашылық саласындағы кәсіпкерлікке қатысты сұрақтар жиі қойылды.
Қабылдау қорытындысы бойынша тиісті лауазым иелеріне пайдалы қазбаларды өндіретін аудандарда қоршаған ортаның экологиялық жай-күйін жақсарту мен басқа да бағыттағы жұмыстарды ширату жөнінде тапсырма берілді.
Агенттікте жұртшылықпен тікелей және кері байланыс үшін Call-орталық тұрақты жұмыс істейді. Бұл ашықтық қағидатын жүзеге асырып, қоғамды сыбайлас жемқорлыққа қарсы бірлескен іс-қимылға жұмылдыруға көп септігін тигізуде.