Жастар акциясы жалғасты
<p style="text-align: justify;">Jas Otan Жастар қанаты ұйым­дас­тыр­ған «Дәрігерлерге мың алғыс» акциясы әр ауданда жалғасып жатыр. Оның аясында Жаңақорған аудан­­дық филиалының еріктілері адам өміріне араша түсіп жүрген ақ ха­латты абзал жандарға шынайы алғыстарын жеткізіп, арнайы әзір­лен­ген «Денсаулық» себетін тапсырды.</p>
Пандемия кезінде өз өмірлерін қатерге тігіп, талай жанды ажалдан арашалап қалған сала өкілдеріне жастар атынан алғыс білдіру шарасына «Авто-лидер» компаниясының жетекшісі, жас кәсіпкер Нұрболат Ибраев қолдау танытты.
– Осының алдында Қазалы ауданында өткен шара Жаңақорғанда жалғасып жатыр. Алда облыс орталығында ұйымдастырамыз. Әрине, дерттің дендемеуіне барын салып, әр науқастың өмірі үшін күресіп жүрген дәрігерлерге қандай құрмет көрсетсек те жарасады. Осы сала өкілдеріне арналған шараны өткізуде аймақ еріктілерінің ықыласы ерекше болып отыр, – дейді Jas Otan Жастар қанаты Қызылорда облыстық филиалының төрағасы Әлішер Қардашов.
Өздеріне көрсетілген құрметке дәрігерлер де алғысын жеткізіп, індетті ауыздықтауға жұмылған жастар бастамасына сәттілік тіледі.
Қызылорда облысы