Атырауға кіре берістерде мобильді бекеттер тұр
<p style="text-align: justify;">Полиция қызметкерлері құрбандыққа шалынатын малдың Атырау қаласына кіргізілмеуін қадағалап тұр, деп хабарлайды <a href="/" target="_blank" rel="noopener noreferrer">Egemen.kz</a></p>
Бұл үшін "Атырау-Астрахань", "Атырау-Орал", "Атырау-Доссор", "Атырау-Индер" бағытына қатынайтын жолдардың Қараөзек, Береке, Ақжар ауылдары мен телемұнара тұсына мобильді бекеттер қойылды. Сондай-ақ мұндай мобильді бекет бірі Батыс Қазақстан облысымен шекарадағы Аққала елді мекенінің маңында да тұр.
Азаматтарды облыс аумағында коронавирустық инфекцияның таралуын, жұқтыру фактілерін азайтуға бағытталған шектеулерді, Құрбан айт мерекесі күндері іс-шараларды өткізуге тиым салу туралы қаулы талаптарын орындауға шақырамыз. Бұған дейін жарияланған пандемия жағдайында құрбандық шалу алгоритмін сақтау керек", деді облыстық полиция департаментінің басшысы Қамза Үмбетқалиев.