Қарақұйрық атқан браконьер ұсталды
<p style="text-align: justify;">Сегізінші тамыз күні сағат 23:00 шамасында Қызылорда облысы Полиция департаментінің қызметкерлері мен "Охотзоопром" мамандарының бірлескен жедел-іздестіру жұмыстары барысында еліміздің "Қызыл кітабына" енген жануарға мылтық кезеген қаскүнемдер ұсталды, - деп хабарлайды <a href="/" target="_blank" rel="noopener noreferrer">Egemen.kz</a></p>
Жалағаш ауданы аумағында жүрісі күдікті "Ниссан Патрол" автокөлігі тоқтатылып, жедел-тергеу тобы көліктен қарақұйрықтың денесін, бір тегіс ұңғылы мылтық, оқ пен пышақ тапты.
Аталған дерек бойынша Қазақстан Республикасы Қылмыстық кодексінің 337-бабы 4-бөлігімен сотқа дейінгі тергеп-тексеру амалдары жүргізілуде.
Қазір күдіктінің бірі Сырдария аудандық полиция бөлімінің уақытша ұстау изоляторына қамауға алынды, екіншісіне бұлтартпау шарасы қолданылды.
Тиісті сараптамалар тағайындалып, автокөлік айып алаңына қойылды. Оқиғаның мән-жайы анықталуда.
"Жыл басынан табиғат қорғау заңнамаларын бұзудың 297 дерегі тіркелді. Оның ішінде 22 қылмыстық және 274 әкімшілік құқық бұзушылық анықталды",- деп атап өтті облыстық Полиция департаменті бастығының міндетін атқарушы. полиция полковнигі Шамшидин Әмитов.