Тарихи финалға жолдама алды
<p style="text-align: justify;">УЕФА Чемпиондар лигасының биыл­ғы маусымы да мәресіне таяп келеді. Лиссабондағы (Португалия) «Да Луш» стадионында өткен жартылай финалдың алғашқы ойынында ПСЖ клубы «Лейпцигті» ірі есеппен жеңіп, тарихта тұңғыш рет финалға жолдама алды.</p>
Бірінші таймда ПСЖ құрамынан Маркиньос пен Ди Мария бір-бір голдан соғып есепті 2:0-ге жеткізсе, екінші таймның басында Хуан Бернат мергендігімен көзге түсті. Матчтың соңына дейін осы есеп өзгеріссіз қалып, Париж командасы 3:0 нәтижесімен жеңіске жетті. Матч барысында Анхель Ди Мария гол соғып қана қоймай, екі голға да ассистенттік жасады.
Осылайша 50 жылдық тарихы бар Францияның «Пари Сен-Жермен» клубы тарихта тұңғыш рет Чемпиондар лигасының финалында ойнауға мүмкіндік алды.