Біреуі жеңіп, біреуі жеңілді

<p style="text-align: justify;">Қазақстандық теннисші Михаил Кукушкин Римде өтіп жатқан ATP турнирінің іріктеу сайысын жеңіспен бастады.</p>

Әлемнің 90-ншы ракеткасы М.Кукушкин бастапқы кездесуін рейтингте 184-орында тұрған швециялық Элиас Имермен өткізіп, 6:7, 6:4, 7:5 есебімен басым түсті. Тартысты бәсеке үш сағатқа созылды.

Қазақстандық теннисші іріктеу сайыстарының негізі құрамына шығу үшін енді рейтингте 112-сатыда тұрған жапониялық Таро Дэниелмен таласқа түседі.

Еске сала кетейік, бұл сайыста әлемнің 69-ракеткасы қазақстандық Зарина Диас рейтингте 110-орында тұрған ресейлік Анна Калинскаядан жеңіліс тапты – 5:7, 6:2, 3:6.