Жұқпалы індетпен күрес Жетісуда қалай жүруде?

Облыстық денсаулық сақтау бас­қармасының мәліметінше, ай­мақ­тағы індетпен күрес жұмысы қа­­лыпты жүріп жатыр. Қазір бар­­лық емхана мен аурухана не­гізгі қызметін атқаруда. Өңір­дегі «Жедел жәрдем» стансасы да қалып­ты режімде жұмыс істеп тұр.

– Бүгінге дейін облыста тұр­ғынд­ар тарапынан шағым­дану­шылар көп болғанымен, аурухана­лар­да орын тапшылығы сезіле қой­ған жоқ. Адамдардың өз ден­сау­лығына алаңдауы орынды. Сон­дықтан кез келген сұрақ бойынша емдеуші дәрігер мен «Жедел жәрдем» қызметіне хабар­ласу­шылардың саны артқаны анық. Мұндай жағдайдың Талдықорған қаласы бойынша көбейгені бай­қалды. Бірақ дәрігерлер әр ша­ғым бойынша жұмыс істеп жатыр. «Жедел жәрдем» қызметі аса ауыр жағдайдағы науқастарға бі­­рін­ші кезекте көмек көрсетуде. Қала ауруханаларында орын саны жет­кілікті. Науқастың сипатына қарай ауруханаларға бөліп орна­ластыру қолға алынған, – деді облыстық денсаулық сақтау бас­қар­масының баспасөз хатшысы Ләйлім Әубәкірова.

Алайда, облыс орталығын­дағы жағдай бақылуда болғаны­мен,

2 млн тұрғыны бар облыс­тағы ах­­уал­ды толық оң бағалауға кел­­­мейді. Әсіресе ауылдық өңір тұр­­ғындары тарапынан медици­­на мекемелеріне көмек сұрап келу­шілер саны артты. Мұндай жағдай Алматы қа­ласы маңындағы аудандарда бай­қалып отыр. Мысалы, Іле, Талғар, Еңбекшіқазақ, Қарасай аудан­дарына қарасты ауылдардың тұр­ғындары маман дәрігерлердің тап­­шы­лығы мен «Жедел жәр­дем» стан­сасының жұмысына көңілі тол­майтынын айтып, шағым­дану­да. Жекелеген аудандарда «Жедел жәрдем» қызметінің бір бригадасы 10 мың тұрғынға қызмет көрсетуге мәжбүр болып отыр. Сондай-ақ облыстың денсаулық сақтау саласында кадр тапшылығы қат­ты сезіледі. Бұған дейін облыс әкі­мінің есебінде аймақта 214 ма­ман­ға сұраныс бар екені мәселе ретінде көтерілген еді.

Соған қарамастан дәрігерлер дертпен күресте барлық мүмкін­дікті пайдалануда. Олардың қата­рында Қапшағай қаласының ақ же­леңді абзал жандары да бар. Дерек бойынша, қазірге дейін Қап­шағай қаласында 170 адам «ви­рус­тық пневмония» диагнозы­мен ауруханаға жатқызылған. Қала­дағы аурухананың терапия және балалар аурулары бөлім­ше­лері қайта жабдықталып, про­ви­зор­лық бөлімге айналып, орын саны 180 төсекке дейін көбей­ген. Бар­лық палатада оттегі тасы­мал­дай­­­тын баллон орнатылған. Қала бо­йын­ша 7 «Жедел жәрдем» көлігі тұ­рақты жүріп тұр екен. Пан­­филов ауданында да індетке қар­сы жұ­мыстар алгоритм бойынша жүр­гізілуде. Елді мекендерде тәулік бойы кезек­шілік ұйым­дастырылған.

– Аудан бойынша 3 жедел топ құрылған. Олардың негізгі жұмысы күнделікті мониторинг жасау. Ауыр жағдайдағы науқас­тарды қарап, алгоритм бойын­ша қандай тексерулер жасау қажет­тігін және емделу бағыт­тарын ай­қындайды. Ауданда 30 орын­дық госпиталь, 20 орындық провизор­лық бөлім жұмыс істейді. Әкім­шілік медицина қызметкерлеріне қолдау көрсетіп отыр. Жұмыс­қа шыққан қызметкерлердің бар­лығы қонақүйге орналастырылды. Оларды тасымалдауға ар­найы көлік бекітіліп, күнделікті медицина колледжінің 12 студенті волонтерлік көмек көрсетуде. Яғни еріктілер науқастарға үйіне тегін алатын дәрілерін жеткізіп беру, басқа да қызметтерге көмек­тесетін болады, – дейді Панфилов ауданы әкімінің баспасөз хатшысы Нұрбол Қанағат.

Алматы облысы