Бір саты төмен сырғыдық

<p style="text-align: justify;">Халықаралық футбол федерациясының (ФИФА) ресми сайтында футболдан ұлттық құрамалардың қазан айына арналған рейтингі жарияланды. Жаңарған рейтингте Қазақстан бір саты төмендеп, 119-орынға тұрақтады.</p>

Жалпы өткен айдағы рейтингпен салыстырар болсақ, көш басындағы құрамаларда анау айтқандай өзгеріс жоқ. Бірінші орында әдеттегідей 1765 ұпаймен Бельгия құрамасы. 2018 жылғы әлем чемпионы – Франция (1752) екінші орында, Бразилия (1725) – үздік үштікте.

Айта кетейік, осы айда Михал Билек шәкірттері Ұлттар лигасы аясында екі ойын өткізген болатын. Алматыда өткен ойында Албаниямен тең түссе (0:0), сырт алаңдағы кездесуде Беларусь құрамасынан 2:0 есебімен жеңілді.