Елордада жаңа паркур алаңы пайда болады

<p style="text-align: justify;">Пушкин мен Янушкевич көшелерінің қиылысындағы жерде паркур алаңы бар қоғамдық кеңістік пайда болады. Бұл туралы <a href="/" target="_blank" rel="noopener noreferrer">Egemen.kz</a> Архитектура, қала құрылысы және жер қатынастары басқармасына сілтеме жасап хабарлайды.</p>

Бұл аумақ Л.Н. Гумилев атындағы ЕҰУ маңындағы көпір кеңістігі - жаңа тартылыс нүктесінің қасында орналасқан. Аталған аумақта ересектер мен балаларға арналған бөлек паркур-алаңдар салу жоспарлануда.

Сонымен қатар орындықтар мен шатырлары бар әткеншектер орналастырылатын тыныш аймақтар құрылады. Жобада авторлық шағын сәулет нысандары пайдаланылатын болады. Бұл жұмыс келесі жылға жоспарланған.