Жыр додасы жарияланды
<p style="text-align: justify;">Нұр-Сұлтан қаласы әкімдігінің қолдауымен Қазақстан Жазушылар одағы Нұр-Сұлтан қалалық филиалы "Көңілде алаң басылса..." атты қалалық жазба ақындар мүшәйрасын жариялап отыр, деп хабарлайды <a href="/" target="_blank" rel="noopener noreferrer">Egemen.kz</a>.</p>
Мүшәйраға 35 жасқа дейінгі елордада тұратын ақындар қатыса алады.
Бүгінгі бүкіләлемдік пандемия жағдайындағы адамзаттық ахуал, карантиндік алаң көңіл-күй, сақтық шаралары жайында жалпыжұртқа поэзия тілімен ой салатын 1 өлең, еркін тақырыпта 1 өлең жазған әрбір ақынның қатысуына мүмкіндік бар.
Мүшәйраға өлеңдер 2020 жылғы 25 қарашаға дейін қабылданады. Шығармаларды qalamger_astana@mail.ru электронды поштасына жолдау қажет.
ЖҮЛДЕ ҚОРЫ:
Бас жүлде (біреу) - 500 000 теңге;
Бірінші орын (біреу) - 300 000 теңге;
Екінші орын (біреу) - 200 000 теңге;
Үшінші орын (екеу) - 150 000 теңге;
Ынталандыру сыйлығы (үшеу) - 100 000 теңге.