Карантинде той жасаған павлодарлықтар жауапқа тартылады
<p style="text-align: justify;">Павлодар облысында эпидемиологиялық ахуалдың нашарлауына байланысты мониторингтік топтың жұмысы күшейтілді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Алайда, карантиндік шектеулер күшейтілгеніне қарамастан, өңірде отбасылық іс-шараларды өткізу жағдайлары тоқтамай тұр. Мейрамхана иелерінің арасында жүйелі түрде санитарлық-эпидемиологиялық талаптарды бұзатындары да бар.
Тек соңғы аптада облыста көлемінде той өткізудің 7 фактісі тіркелді, олардың көпшілігі демалыс күндері болған.
Мәселен, 6 қарашада Екібастұз қаласында "Бәйтерек" мейрамханасында 60 адамға арналған үйлену тойы өткен. 7 қарашада облыс орталығындағы "Саида Плаза" мейрамханасындағы тойға одан да көп қонақ жиналған.
8 қараша күні "Алтын ғасыр" мейрамханасында қонақтар "Құдалықты" атап өткен. "Барс" мейрамханасында бір уақытта "Қыз ұзату" мен мерейтой тойланған.
Барлық бұзушылықтар бойынша жауапты тұлғаларға мониторингтік топ өкілдері тарапынан әкімшілік хаттамалар толтырылды.