Күрес: Дәулет Ниязбеков 65 кило салмақта дара шықты
<p style="text-align: justify;"><span class="s5"><span class="bumpedFont15">Еркін күрестен Алматыдағы "Достық" спорт кешенінде</span></span><span class="s5"><span class="bumpedFont15"> өтіп жатқан</span></span><span class="s5"><span class="bumpedFont15"> Қазақстан чемпионатында бүгін 65 кило салмақ дәрежесінің жеңімпаздары мен жүлдегерлері анықталды, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
65 кило салмақ дәрежесіндегі балуандар арасындағы белдесулер өте шиеленісті өтті. Кілең көкжалдар арасынан қызылордалық Дәулет Ниязбеков пен қарағандылық Әділ Оспанов суырылып шықты. Бұл бәсекеде Сыр бойы саңлағының жеңетініне ешкімнің күмәні болмады. Өйткені, Дәулеттің әлем чемпионатының күміс және қола жүлдегері, Азияның үш дүркін чемпионы деген атақтары бар. Әділ ондай жетістігімен мақтана алмайды.
Айтқандай-ақ, финалдық сайыс Ниязбековтің айқын басымдығын аяқталды. Есеп – 9:0. Жамбылдық Нұрсұлтан Садық пен шығысқазақстандық Олжас Олжақанов үшінші сатыға жайғасты.