Күрес: Елхан Асадов пен Олег Болтин Қазақстан чемпионы атанды
<p style="text-align: justify;"><span class="s5"><span class="bumpedFont15">Алматыдағы </span></span><span class="s5"><span class="bumpedFont15">«Дос</span></span><span class="s5"><span class="bumpedFont15">тық» спорт кешенінде өткен е</span></span><span class="s5"><span class="bumpedFont15">ркін күрестен </span></span><span class="s5"><span class="bumpedFont15">Қазақстан чемпионаты</span></span><span class="s5"><span class="bumpedFont15"> өз мәресіне жетті, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
92 және 125 кило салмақ дәрежелеріндегі белдесулердің нәтижелері мынадай болды:
92 кило салмақ дәрежесінде маңғыстаулық Елхан Асадовтың асығы алшысынан түсті. Финалда ол Нұр-Сұлтанның балуаны Ералы Абдрашевтен айласын асырды. Үшінші орында – өскемендік Шәмил Магамадов пен елордалық Нұрғали Нұрғайыпұлы.
125 кило салмақта павлодарлық Дәулет Шабанбай, шығысқазақстандық Олег Болтин, қарағандылық Ермұхамбет Іңкәр және ақтөбелік Юсуп Батырмұрзаев сынды алыптар болды. Олардың барлығы да аса ірі халықаралық жарыстарда жүлде алып жүрген дүлдүлдер. Солардың арасынан Дәулет пен Олег озып шықты. 37 жастағы Шабанбайдың кезінде Олимпиадада қола медальді иеленіп, Азия ойындарында бір рет және құрлық біріншілігінде бес рет жүлдегерлер санатынан көрінгенін жанкүйерлер жақсы біледі. Болтин одан он жас кіші. Бұл тартыс жас жолбарыстың пайдасына шешілді. Олег Болтин – алтын, Дәулет Шабанбай – күміс және Юсуп Батырмұрзаев пен түркістандық Бақдәулет Өсербай – қола медальдарды мойындарына ілді.