ҚЗЭ: Қостанай облысында 2015 жоба мақұлданды
<p style="text-align: justify;">Қостанай облыстық кәсіпкерлер палатасының мәліметінше, былтыр «Қарапайым заттар экономикасы» бағдарламасы бойынша өңірлік жобалық кеңсе жалпы құны 54,9 млрд теңге болатын 267 жобаны қабылдаған. Оның 215-і мақұлданып, бүгінге дейін 203 жоба қаржыландырылып отыр, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Былтыр агроөнеркәсіп саласына қатысты жобалар көбірек қолдау тапты. Мақұлданған жобалардың 78,1%-ы осы салаға тиесілі. Тамақ өндірісі немесе АӨК өнімдерін қайта өңдеуге арналған жобалар екінші орында тұр, олардың үлесі – 13,5%. Қаржылай қолдау көрсетілгендердің ішінде өңдеу өнеркәсібі (7%) мен тұрмыстық қызмет көрсету саласына (1,4%) қатысты жобалар да бар. Былтыр екінші деңгейлі банктер жалпы құны 30,8 млрд теңге тұратын 66 жобаны мақұлдады. Сондай-ақ, «Аграрлық несие корпорациясы» арқылы 149 жобаға 6,1 млрд теңге қаржы бөлінді», - деді облыстық кәсіпкерлер палатасының директоры Мұрат Әбенов.
Қостанай облысы