Тәуелсіз мониторинг жүргізуге мүмкіндік мол болды
<p style="text-align: justify;">Парламент Мәжілісі мен мәслихаттарының депутаттарын сайлауда халықаралық байқаушылардың тәуелсіз мониторинг жүргізуіне бар жағдай жасалды. Бұл туралы Орталық сайлау комиссиясында өткен брифингте ТМД Парламентаралық Ассамблеясының Бас хатшысы Дмитрий Кобицкий айтты.</p>
Брифингте сөз алған Д.Кобицкий Қазақстан Республикасы Сыртқы істер министрлігіне парламенттік сайлауды байқауға қатысуға шақырғаны үшін алғыс білдіріп, ТМД Парламентаралық Ассамблеясы тобының мүшелеріне тәуелсіз мониторинг жүргізуі үшін барлық жағдай жасалғанын жеткізді.
«Қазақстанның Сыртқы істер министрлігіне осындай ауқымды да маңызды саяси науқан барысын байқауға шақырғанына алғыс айтамын. Ал сайлауды ұйымдастырушылардың еңбегі өте жоғары. Учаскелік сайлау комиссияларының, ең алдымен, эпидемияға қарсы қауіпсіздікті қамтамасыз ету тұрғысынан дайындығының өте жоғары деңгейде екенін айрықша атап өткім келеді. Бұған көптеген қаражат жұмсалды, физикалық және адами ресурстар көп, бірақ халықтың қауіпсіздігі бәрінен қымбат», деді халықаралық байқаушы.
Естеріңізге сала кетейік, ТМД ПА мониторингтік тобының құрамында Әзербайжан, Армения, Беларусь, Қырғыз, Молдова, Ресей, Тәжікстан, Өзбекстан парламентарийлері, сондай-ақ Халықаралық мониторинг институтының сарапшылары кіретін ТМД ПА Кеңесі Хатшылығының өкілдері болды. Қысқа мерзімді мониторинг шеңберінде топ мүшелері Қазақстанның әртүрлі аймақтарындағы жеке маршруттарда, сондай-ақ шетелдік сайлау учаскелерінде жұмыс істеді.