Telegram қолданушылар саны соңғы 72 сағатта 25 млн адамға өсті
<p style="text-align: justify;">Telegram-ға тіркелгендердің 38%-ы Азиядан, 27%-ы Еуропадан, 21%-ы Латын Америкасынан және 8%-ы Таяу Шығыс пен Солтүстік Африкадан. Бұл туралы Telegram негізін қалаушы, ресейлік кәсіпкер, миллиардер Павел Дуров айтты, - деп жазады <a href="/" target="_blank" rel="noopener noreferrer">Egemen.kz</a></p>
Ол қаңтардың бірінші аптасында "Telegram-ды белсенді пайдаланушылар саны айына 500 миллион адамға жетті", дейді.
«Қаңтарда WhatsApp мессенджері өзінің екі миллиардтан астам қолданушыларына сервисті пайдалануды жалғастыру үшін өз деректерімен Facebook-те бөлісуге келісім беруі тиіс екенін хабарлаған. Содан кейін Telegram мен қорғалған мессенджер Signal-ды жүктеу саны күрт өсіп кетті», деп атап өтеді CNBC.
Бұған дейін британдық Telegraph газеті жазғандай, АҚШ-та Telegram жүктелуі жағынан екінші орынға шықты. Содан кейін бұл мессенджерге Дональд Трамптың жақтаушылары жаппай кірген. Өйткені жексенбіде Трамптың Twitter мен Facebook-тегі аккаунты бұғатталған еді.
Күні кеше Telegram-да Түркия президенті Реджеп Тайып Ердоған тіркеліп, өз каналын ашып қойды.