«Даму кубогында» екінші орын алды
<p style="text-align: justify;">Футболдан Қазақстан жасөспірімдер құрамасы Минскіде (Беларусь) ұйым­дастырылған халықаралық «Даму кубогы» турниріне қатысып, жүлделі екінші орынға ие болды.</p>
Жарыстың тұсаукесер кездесуінде Тәжікстан құрамасынан 7:1 есебімен оңбай жеңілген жерлестеріміз кейінгі екі ойында жеңіске жетіп, жанкүйерлерін қуантты. Екінші турда біздің жігіттер жарыс қожайындары – Беларусь құрамасын 4:2 нәтижесімен тізе бүктірсе, соңғы турда молдовалық құрдастарының қақпасына жауапсыз 5 гол соқты.
Жарыс қорытындысы бойынша екі ойында жеңіске жетіп, бір ойында жеңілген Қазақстан жасөспірімдер құрамасы халықаралық турнирдің күміс жүлдесіне ие болды. Ал бірде-бір ойында жеңілмеген Тәжікстан футболшылары «Даму кубогының» бас жүлдесін қанжығасына байлады.