БҚО-да мал іздеймін деп адасып кеткен жігіт жайлы жаңа деректер жарияланды
<p style="text-align: justify;">Батыс Қазақстан облысында мал іздеуге шыққан жасөспірім адасып кетті, деп хабарлайды <a href="/" target="_blank" rel="noopener noreferrer">Egemen.kz</a> БҚО ТЖ департаментінің баспасөз қызметіне сілтеме жасап.</p> <p> </p>
БҚО ТЖ департаментінің баспасөз қызметі мәлім еткеніндей, оқиға Ақжайық ауданы Қурайлысай ауылдық округінде болған.
25 наурыз күні сағат 11.00-де Әтібек елді мекенінің тұрғындары 2004 жылғы жасөспірім мен 1972 жылғы ер адам аттарымен мал іздеуге екі бағытқа шыққан.
Бүгін сағат 01:20-да жасөспірімнің үйіне оралмағаны жөнінде хабар түскен.
Жедел құтқару жасағынан 6 адам «Трэкол» техникасымен шұғыл жолға шықты. Құтқарушылардың көмегімен сағат 13:31-де аталған жасөспірім Әжібай қыстағынан аман-есен табылды.
Ол медициналық көмекті қажетсінген жоқ.