Маңғыстау облысына 8 мың дана екпе жеткізілген
<p style="text-align: justify;">Маңғыстау облысы қоғамдық коммуникациялар орталығында өткен брифингте өңірдің санитариялық-эпидемиялық бақылау департаментінің басшысы Ғазиз Надуев Маңғыстау облысына вакциналау басталғаннан бері 8 мың дана екпе жеткізілгенін мәлім етті, деп хабарлайды <a href="/" target="_blank" rel="noopener noreferrer">Egemen.kz</a></p>
Бүгінгі таңда өңірде 16 егу пунктінде 7 кабинет жұмыс істеп тұр.
«Спутник-V» вакцинасының бірінші компонентінің 4500 дозасы және «Спутник-V» вакцинасының 2 компонентінің 3500 дозасы – 18 градуста барлық сақтық режимін сақтай отырып, облысқа жеткізілді», деді Ғазиз Надуев. Бүгінгі таңда Маңғыстау облысында вакцинацияланған адамдардың саны – 2155.
«Қазіргі күні коронавирусқа қарсы 1 компонентпен 1625 адам, 2 компонентпен 530 адам вакцинацияланды. Айта кету керек, Қазақстанда вакцинациядан бас тартқаны үшін әкімшілік немесе қылмыстық жауапкершілік қарастырылмаған», деді Маңғыстау облысы санитарлық-эпидемиологиялық бақылау департаментінің басшысы Ғазиз Надуев.
Ғазиз Надуевтің айтуынша, иммундаудан кейінгі асқынулар мен реакциялар тіркелген жоқ. 2021 жылдың екінші тоқсанынан бастап отандық «QazCovid-In» препаратымен вакциналау жоспарланған.