Кездесу өткізді

<p style="text-align: justify;">Алматы қаласында Мемлекеттік хатшы – Саяси қуғын-сүргін құрбандарын толық ақтау жөніндегі Мемлекеттік комиссияның төрағасы Қырымбек Көшербаев Мемлекеттік комиссияның жұмыс топтары жетекшілерімен – ғалымдармен және сарапшылармен кездесу өткізді, деп хабарлады akorda.kz сайты.</p>

Кездесу кезінде жұмыс барысындағы өзекті мәселелерді, әсіресе, архивтерде, оның ішінде шетелдік архивтерде жұмыс істеуді егжей-тегжейлі зерделеу қарастырылды. Өңірлік комиссиялар жұмысын күшейту, оларға тиісті әдістемелік көмек көрсету жөнінде шешім қабылданды.

Қырымбек Көшербаев сондай-ақ бір топ мәдениет және ғылым қайраткерін олардың өтініштері бойынша қабылдады.