Алматының 240 тұрғыны Hayat-Vax вакцинасын алды
<p style="text-align: justify;">Алматы қаласында бір тәулікте 6 311 адам коронавирус вакцинасын салдырды, деп хабарлайды <a href="/" target="_blank" rel="noopener noreferrer">Egemen.kz</a>.</p>
«5 мамыр күні 6 311 алматылық вакцина салдырды. Сонымен қатар, 25 сәуірден бері 2 870 адам QazVac вакцинасын алды», деп хабарлады қалалық Қоғамдық денсаулық сақтау басқармасының баспасөз қызметінен.
Сондай-ақ 5 мамыр күні Hayat-Vax вакцинациясын 240 азамат салдырды. Биылғы жылдың 1 ақпаны мен 5 мамыр аралығында қалада барлығы 238 606 адамға екпе салынды. Вакцинацияның жалпы санынан 60 жастан асқан қарт кісілер саны – 30 292. Бүгінгі күні қалада 214 пункт жұмыс істеп тұр. 1 809 адамнан тұратын 402 егу бригадасы бар. Сонымен қатар, 40 көшпелі мобильді бригада ұйымдастырылды.
«Қазіргі медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді», деп атап өтті басқармадан.