Бұршақ, аптап ыстық, тұман. Бірнеше өңірде ескерту жарияланды
<p style="text-align: justify;">Қазгидромет бірқатар облыста дауылды ескерту жариялады, деп хабарлайды <a href="/" target="_blank" rel="noopener noreferrer">Egemen.kz</a>.</p>
26 маусымда Солтүстік Қазақстан облысының кей жерлерінде найзағай күтіледі. Түнде және таңертең тұман күтіледі.
Ақмола облысының кей жерлерінде найзағай ойнайды.
Қарағанды облысының кей жерлерінде жел солтүстік-шығыстан оңтүстік-шығысқа ауысады, күші 15-20 м/с. Кей жерлерде өте жоғары өрт қаупі сақталады.
26 маусымда Қостанай облысында найзағай, бұршақ жауады. Оңтүстік-батыстан жел соғады, күндіз желдің күші 15-20 м/с дейін жетеді. Кей жерлерде өрт қауіптілігінің төтенше деңгейі күтіледі.
26-28 маусымда Түркістан облысының кей жерлерінде төтенше өрт қаупі сақталады.
Қызылорда облысында да өте жоғары өрт қаупі болжануда.
26 маусымда Ақтөбе облысының солтүстік, солтүстік-батыстан жел соғып, найзағай ойнап, желдің жылдамдығы 15-20 м/с жетеді. Сондай-ақ 38 градусқа қатты ыстық, өте жоғары өрт қаупі сақталады.