Павлодар ауданында жүргізушілер арасында жанжал шықты
<p style="text-align: justify;">Әлеуметтік желілерді мониторингілеу кезінде павлодарлық парақшалардың бірінде жарияланған видео бойынша тексеру жүргізілді, деп хабарлайды <a href="/" target="_blank" rel="noopener noreferrer">Egemen.kz</a> Рavlodarnews.kz сайтына сілтеме жасап.</p>
Облыстық полиция департаменті баспасөз қызметінің мәліметі бойынша, полиция қызметкерлері 26 маусым күні сағат 05.40-та Павлодар ауданының полициясына Заря ауылының жанында автотұрақта «Mersedes Benz» автокөлігінің жүргізушісі мен жолаушысы мас күйде бола тұра жүк көлігінің демалып отырған жүргізушісіне адамдық қадір-қасиетін қорлайтын балағат сөздер айтқандығы туралы хабарлама түскенін анықтады.
– Аталған факті бойынша 1988 жылы туған жүргізуші мен 2000 жылы туған жолаушыға қатысты ҚР ӘҚБК 434-бабы бойынша әкімшілік іс қозғалды, материалдар сотқа жолданды. Сондай-ақ, жүргізушіге қатысты ҚР ӘҚБтК-нің 608-бабы 1-бөлігі бойынша әкімшілік материал толтырылды. Сот шешімімен жүргізуші 15 тәулік мерзімге әкімшілік қамауға алынып, жүргізуші куәлігінен 7 жыл мерзімге айырылды, - деді департаменттегілер.
«Mersedes Benz» автокөлігі айып тұрағына қойылды.